Yeehaa! S’Grand Kubaa cheert nach eme chlline Underbruch zrugg uf s‘Parkett. Rap-Konzert mit ere gediegene Portion Funk, Soul, Jazz und Oldschool-Flavour direkt für dini Ohre! Das alles im überuus charmante KuBaA - Kultur Bahnhof Affoltern, Zürich!

- Zum BLACK TIGER müsstmer glaub kei wiiteri Wort verlüüre. Wer staht meh als er für genau de Oldschool-Flavour?

- Sheens me saiz seg Züri für di eint Baslerin oder de ander Basler ja e verboteni Stadt. Da hämer dänkt, dass mer de BS-Fraktion BL-Schützehilf beschered. Aber au susch hämer d’Jungs vo HomeTon-Records scho lang uf em Radar und freued eus drüber, dass mit de Gfaselbieter es Duo us dem Chreis de Weg a s’Grand Kubaa findet, wo Funk und Groove mit de grosse Boombap-Chelle arüehrt – dasch Sound: https://m.youtube.com/watch?v=O5H-1Z0ADrI

- Last but not least hämer no e wiiteri Ingredienz us eme nördliche Kanton – straight out of Schaffhuse wird eus de Jazzquarterz mit sine Beats beglücke. Über euses Lieblingslabel Haus & Baum hät er i de letschte Ziit bewise, dass d‘Golden Era no lang nonig fertig isch.
https://open.spotify.com/artist/3z0rwYZuq2g5fblmdIMzkf?si=LON-QCmbRH2hG2HjwX4Q9A

Doors ab 21:00
Eintritt: CHF 10.-
www.facebook.com/grandkubaa